«Minuły hod aceńvaju vielmi dobra. My zrabili toje, što chacieli, vykanali pastaŭlenyja pierad saboju zadačy», — skazała A.Ramašeŭska.
Pavodle jaje słoŭ, ciapier na telekanale ŭ Polščy pracujuć prykładna 70 supracoŭnikaŭ, u Biełarusi — kala 120.
«Heta i žurnalisty, i režysiory, i mantažory, i apieratary.
U nas u Biełarusi niekalki karespandenckich punktaŭ»
«U nas šmat dobrych talenavitych supracoŭnikaŭ. Kali padumać, što bolšaść našych žurnalistaŭ nie źjaŭlajucca televizijonščykami i jašče paŭtara hady tamu nie pracavali na telebačańni, a siońnia jany ŭžo robiać davoli prafiesijnyja prahramy, to heta cud», — skazała dyrektar kanała.
Zhodna z praviedzienymi daśledavańniami, zaznačyła dyrektar telekanała,
«Biełsat» hladziać prykładna 200 tys. biełarusaŭ. «Za try miesiacy viaščańnia z «Siryusa» — heta šmat.Ja hetymi vynikami vielmi zadavolena», — skazała A.Ramašeŭska.
Pavodle jaje słoŭ, čas viaščańnia telekanała składaje šeść hadzin i pakul pavialičvać jaho nie płanujecca.«Heta zaležyć ad finansavych mahčymaściej. Ale z časam, mahčyma, kolkaść hadzin budzie pavialičana», — paviedamiła A.Ramašeŭska.
Pahadnieńnie ab stvareńni spadarožnikavaha telekanała «TV Biełaruś» było padpisana 23 krasavika 2007 hoda pamiž Polskim hramadskim telebačańniem (TVP) i Ministerstvam zamiežnych spraŭ Polščy. 18 lipienia TVP zaćvierdziła ŭ svajoj struktury novy spadarožnikavy telekanał, jaki atrymaŭ nazvu «Biełsat». 10 śniežnia 2007 hoda z vypusku navinaŭ pačałosia testavaje viaščańnie «Biełsata». Telekanał finansujecca z reziervovaha biudžetu polskaha MZS.