Shutterstock.com
Jeŭrapiejski parłamient pryznaŭ lidara vieniesuelskaj apazicyi Chuana Huajdo «adzinym i zakonnym časovym prezidentam» respubliki, piša svoboda.org
Raniej krainy ES zajaŭlali, što pojduć na taki krok, kali ŭ Vieniesuele nia abvieściać daterminovyja vybary. Prezident Nikałas Madura adchiliŭ ultymatum.
Pryznańnie Huajdo časovym kiraŭnikom dziaržavy — da momantu praviadzieńnia ŭ krainie «svabodnych i prazrystych vybaraŭ» — padtrymali 439 členaŭ Jeŭraparłamienta, suprać vykazalisia 104, jašče 88 - ustrymalisia. Parłamientaryi taksama asudzili represii i hvałt padčas pratestaŭ u Karakasie, zapatrabavali spynić parušeńni pravoŭ čałavieka i pryciahnuć vinavatych da adkaznaści.
0
0
0
0
0
0