Praŭleńnie Suśvietnaj hazetnaj asacyjacyi zaklikała ŭrad Biełarusi pakłaści kaniec pieraśledu žurnalistaŭ i represijam svabodanaj presy, što praktykujucca ŭ krainie.
«Minuły hod adznačyŭsia žorstkimi represijami svadobnaj presy ŭ Biełarusi, kulminacyja jakich pryjšłasia na peryjad prezydenckich vybaraŭ u sakaviku 2006 hodu, kali byli aryštavanyja bolš za 30 žurnalistaŭ. I chacia ŭsie jany byli vyzvalenyja, nastupstvy ataki na presu dahetul praciahvajuć adbivacca na stanie biełaruskich medyjaŭ», – havorycca ŭ rezalucyi Praŭleńnia SHA, pryniataj padčas Suśvietnaha hazetnaha kanhresu i suśvietnaha forumu redaktaraŭ u Maskvie.
U rezalucyi havorycca:
«Praŭleńnie Suśvietnaj hazetnaj asacyjacyi, pasiedžańnie jakoha ajubyłosia ŭ ramkach 59-ha Suśvietnaha hazetnaha kanhresu, jaki prachodzić u Maskvie z 4 da 7 červienia 2006 hodu, asudžaje pieraśled presy ŭ Biełarusi, jaki praciahvajecca.
Minuły hod adznačyŭsia žorstkimi represijami suprać svabody presy ŭ Biełarusi, kulminacyja jakich pryjšłasia na peryjad prezydenckich vybaraŭ u sakaviku 2006 hodu. kali byli aryštavanyja bolš za 30 žurnalistaŭ. I chacia ŭsie jany byli vyzvalenyja, nastupstvy ataki na presu da hetaha času praciahviuć adbivacca na stanie biełaruskich medyjaŭ».
10 krasavika idealahičny adździeł Harvykankamu Miensku spaviaściŭ štodzionnuju (tak u tekście – veb-redaktar) hazetu «Naša Niva» pra toje, što jana bolš nia moža być zarehistravanaja ŭ stalicy. Idealahičny adździeł, jaki nie źjaŭlajecca jurydyčnaj instancyjaj, patłumačyŭ svajo rašeńnie aryštam hałoŭnaha redaktara «Našaj Nivy» Andreja Dyńko. Niezaležnaja hazeta ŭžo niekalki miesiacaŭ padviarhajecca pieraśledu, i jość padstavy mierkavać, što ŭłady majuć namier zakryć vydańnie, jakoje źjaŭlajecca najstarejšaj hazetaj Biełarusi.
10 traŭnia niekalki žurnalistaŭ nie byli dapuščanyja na praces nad moładziovym lidaram Arturam Finkievičam, adnym z arhanizataŭ sakavickich masavych pratestaŭ.
U krasaviku i traŭni biełaruskich žurnalistaŭ aryštoŭvali i vyklikali ŭ orhany ŭłady pa samych roznych pryčynach.
Taksama ŭ krasaviku ŭ krainu nie byli dapuščanyja try polskija žurnalisty, jakija źbiralisia aśviatlać mierapryjemstvy, prymierkavanyja da 20-j hadaviny čarnobylskaj avaryi. Jak minimum u dvaich ź ich byli sapraŭdnyja vizy, adnak, niahledziačy na heta, cieraź miažu ich nie prapuścili.
Pierad prezydenckimi vybarami z krainy byli vysłanyja zamiežnyja žurnalisty, miascovyja žurnalisty źbivalisia palicyjaj, a vypusk šerahu hazetaŭ byŭ prypynieny.
Praŭleńnie SHA zaklikaje ŭrad Biełarusi spynić pieraśled niezaležnych medyjaŭ, poŭnaściu adnavić svabodu presy i svabodu słova ŭ krainie».
Maskva, 6 červienia 2006 hodu
