Šedeŭram apošniaj «hałoŭnaj analityčnaj pieradačy» staŭ raspovied pra aperacyju ŭ adnaŭleńni cnoty z pakazam pałavych orhanaŭ bujnym planam. Piša Andrej Pavač.
Spakojna siedziačy pierad ekranam svajho televizara i słuchajučy pasažy sp.Avierkava ŭ «Konturach», ja i nia dumaŭ, što pad tielerepartažam sa ścipłaj nazvaj «Anatomija pryhažości» chavajecca zvyčajnaja parnucha.
Pačynaŭsia repartaž z historyi niejkaj ciotki, u jakoj adpampoŭvali tłušč z taho miesca, na jakim siadziać. Dalej – bolej: raspaviadajučy ab vialikich mahčymaściach ajčynnaj plastyčnaj chirurhii, reparter pakrysie pierajšła da silikonavych utočak u hrudzi, paśla – da aperacyjaŭ pa vyprostvańni i ŭsialakim inšym «drobnym ramoncie» mužčynskich dzietarodnych orhanaŭ. Šedeŭram «repartažu» staŭ bujnamaštabny pakaz aperacyi ŭ adnaŭleńni cnoty (usiaho 100 u.a.). Pałavyja orhany pakazvalisia vialikim planam, jaŭna smakujučy, a pieradača «Kontury» idzie daloka nie paśla 12-j, tak što biełaruskija dzieci zmahli ŭbačyć šmat novych cikavych rečaŭ.
Akazvajecca, aperatary ANT umiejuć nia tolki prapanoŭvać fajnyja idei z šprycami i pornačasopisami ŭ namiotach na płoščy Kalinoŭskaha, a i sami mahli b fajna papracavać nad zdymkami pieršaha biełaruskaha parnafilmu.
I heta «hałoŭnaja analityčnaja pieradača biełaruskaha telebačańnia».
Horadnia
