Avaryja adbyłasia kala 11 ranicy ŭ Minsku ŭ rajonie ŭniviermaha «Biełaruś». Pra zdareńnie kp.by raspaviali vidavočcy DTZ. Tramvaj №3 jechaŭ pa maršrucie «Sierabranka — Voziera» ŭ bok centra.
Askiepak škła razrezaŭ Irynie kurtku, fota Andreja Laŭkoŭskaha
— My adjechali ad prypynku 20 mietraŭ, jak raptam adbyłosia sutyknieńnie. Hruzavik — ci to MAZ, ci to KamAZ — jechaŭ z nami ŭ tym ža napramku. Źbiraŭsia zbočvać, ale, mabyć, nie raźličyŭ habaryty i ŭrezaŭsia kabinaj ŭ bok tramvaja. Dźviery sałona valalisia na ziamli, usio piaredniaje škło było vybita, askiepki palacieli na pasažyraŭ. U vałasach było poŭna škła, palec parezała, adzin z askiepkaŭ razrezaŭ mnie kurtku, — raspaviadaje pasažyr tramvaja Iryna.
U sałonie było kala 15 čałaviek, ale, na ščaście, nichto nie paciarpieŭ. Na miesca avaryi pryjechali supracoŭniki DAI. Viadoma, što vialikahruz zarehistravany ŭ Homielskaj vobłaści.
— Ludzi nie zastalisia abyjakavyja. Aŭtamabilisty prapanoŭvali pasažyram tramvaja padvieźci ich bližej da centra horada, - dadała Iryna