Pavodle prahnozu Respublikanskaha hidramieteacentra, u Biełarusi 9 studzienia budzie vobłačna.
Na bolšaj častcy terytoryi śnieh, miacielica, pa Viciebskaj i Mahiloŭskaj abłaściach miescami mocny śnieh. Na asobnych učastkach daroh hałalodzica. Viecier zachodni 6—11 m/s, miescami paryvy da 15—18 m/s. Tempieratura pavietra nočču minus 8—13°C, pa ŭschodzie da minus 14—20°C, dniom minus 6 — plus 1°C.
Zaŭtra ŭ Minsku budzie vobłačna. Časam śnieh, miacielica. Na asobnych učastka daroh hałalodzica. Viecier zachodni 6—11 m/s, paryvy da 14 m/s. Tempieratura pavietra nočču minus 10—12°C, dniom minus 3—5°C, k viečaru pavyšeńnie da 0°C.
U nastupnyja dvoje sutak, 10 i 11 studzienia, pa krainie čakajecca vobłačnaje z prajaśnieńniami nadvorje.
10 studzienia nočču na bolšaj častcy terytoryi, dniom pieravažna pa Homielskaj i Mahiloŭskaj abłaściach miescami karotkačasovy śnieh. Nočču ŭ asobnych rajonach miacielica. Viecier paŭnočny 5—10 m/s, nočču paryvy da 14 m/s. Tempieratura pavietra na praciahu sutak minus 2—9°C, nočču pa poŭnačy da minus 14°C.
11 studzienia pieravažna biez apadkaŭ, tolki pa poŭnačy miescami nievialiki śnieh, mokry śnieh. Nočču i ranicaj u asobnych rajonach tuman, šerań. Viecier paŭdniova‑zachodni 4—9 m/s, pa poŭnačy paryvy da 14 m/s. Tempieratura pavietra nočču minus 5—12°C, pry prajaśnieńniach da minus 15—20°C, dniom 0 — minus 6°C, pa paŭdniovym uschodzie da minus 10°C.
10 studzienia ŭ Minsku budzie vobłačna z prajaśnieńniami. Nočču karotkačasovy śnieh, słabaja miacielica, dniom bieź istotnych apadkaŭ. Viecier paŭnočny 5—10 m/s, nočču paryvy da 14 m/s. Tempieratura pavietra na praciahu sutak minus 3—5°C, k viečaru panižeńnie da minus 8°C.
