Zajaŭku muryžyli miesiac. Urešcie adkazali praz telefon: svabodnaha miesca niama.
«Naša Niva» źviarnułasia z prośbaj raźmiaścić infarmacyjnyja płakaciki ŭ vahonach mietro adrazu paśla dazvołu na prodaž praz «Sajuzdruki». Heta było jašče ŭ śniežni.
U rekłamnaj słužby mietro byli nie suprać, ale patrabavałasia ŭzhadnieńnie ź ideałahičnym adździełam harvykankamu.
My prynieśli tudy ŭzor — ścipłyja arkušy A4, bo rekłama ŭ mietro davoli darahaja.
Zvanili raz, zvanili dva, zvanili try. Urešcie, amal praź miesiac, Eduard Valancinavič Tamilčyk, načalnik adździełu masavych mierapryjemstvach, paviedamiŭ... što rekłamnyja płoščy na studzień ŭ mietro adsutničajuć i prapanavaŭ viarnucca da hetaha pytańnia ŭ lutym.
My tut ža pazvanili ŭ rekłamnuju słužbu mietro. Nam paviedamili, što rekłamnyja płoščy jość. Dy kožny moža pierakanacca, što jany jość: pustyja płanšetki zieŭrajuć u vahonach. Kryzis ža.
U suviazi z hetym majem čatyry rytaryčnyja pytańni:
1) ci moža raźličvać na imidž «siabroŭskaj dla biznesu» kraina, dzie kožnuju rekłamku treba ŭzhadniać ź ideałahičnym adździełam?
2) kolki składaje štat ideałahičnych rabotnikaŭ u krainie, kali ich chapaje na vyčytku kožnaje rekłamnaje abjavy? I ź jakoha kredytu jon maje finansavacca ŭ 2009-m — rasijskaha ci ad MVF?
3) na jakuju reputacyju moža raźličvać ideołah pry takim padychodzie da spravaŭ?
4) ci moža ličycca spraviadlivaj kraina, dzie zakony majuć dvajnoje dziejańnie — dla svaich i dla niesvaich?
