Prakuratura RB pradjaviła abvinavačańnie redaktaru haziety «Zhoda» Alaksandru Zdvižkovu pa kryminalnaj spravie ab pieradrukoŭcy karykatur na praroka Muchamieda. Adpaviednaja pastanova źjaviłasia jašče ŭ sakaviku h.h., i ŭ bližejšy čas spravu mohuć pieradać u sud, chacia dahetul śledčym orhanam nie ŭdałosia vyśvietlić miescaznachodžańnie abvinavačanaha, Pra heta paviedamlaje «Biełhazieta» ŭ artykule «Krieativ dla prokuratury. Sotrudniku haziety «Zhoda» priedjavleno obvinienije».
A Zdvižkovu inkryminujuć parušeńnie č.1 art.130 KK Biełarusi (raspalvańnie rasavaj, nacyjanalnaj albo relihijnaj varožaści). Mienavita jon u adsutnaści hałoŭnaha redaktara prapuściŭ u druk publikacyju «Političieskij krieativ», jakaja źjaviłasia ŭ haziecie «Zhoda» (№ 6 ad 18-26 lutaha 2006 h.) i była prailustravanaja pieradrukavanymi z zamiežnaj presy karykaturami na praroka Muchamieda. Spravu zaviali pa vynikach pravierki Prakuratury RB i KDB, jakuju, u svaju čarhu, pravodzili na padstavie zvarotu ŭ pravaachoŭnyja orhany Kamitetu pa spravach relihij i nacyjanalnaściaŭ i musulmanskich supolnaściaŭ Biełarusi.
Spačatku kryminalnaja sprava była ŭzbudžana pa fakcie publikacyi, a A. Zdvižkoŭ (jak i hałoŭny redaktar A. Karol) prachodziŭ pa joj jak śviedka. U redakcyi haziety 22 lutaha byŭ praviedzieny pieratrus, kanfiskavana ŭsio abstalavańnie i finansavyja dakumienty haziety. 23 lutaha Prakuratura RB vystupiła z zajavaj, u jakoj dała pravavuju acenku publikacyi, i nakiravała ŭ Ministerstva infarmacyi «pradstaŭleńnie» z prośbaj zrabić zachady pa prypynieńni albo spynieńni dziejnaści vydańnia. Ministerstva infarmacyi vyniesła papiaredžańnie redakcyi haziety «Zhoda» pa art. 5 Zakona «Ab druku i inšych ŚMI». Pakolki heta było druhoje ciaham hodu papiaredžańnie pa hetym artykule, u Mininfarmacyi źjaviłasia padstava źviarnucca ŭ Vyšejšy Haspadarčy sud z zyskam ab spynieńni dziejnaści niedziaržaŭnaj haziety. 6 sakavika ministerstva padało zysk, 7 sakavika sud prypyniŭ hazietu da suda, a 17 sakavika - pryniaŭ rašeńnie ab spynieńni jaje dziejnaści.
Pres-słužba HA «Biełaruskaja asacyjacyja žurnalistaŭ»
