To jany ŭsie pavalna ŭ chakiej hulajuć i pa prezidenckim śvistku na łyžach krosy šparać, to ŭ klinikach svaich źmiaścicca nie mohuć... Piša na «Biełaruskim partyzanie» Śviatłana Kalinkina.
Kaliści i CK, i Saŭmin, i ŭsiakija zasłužanyja dziejačy źmiaščalisia ŭ niekalkich karpusach «lečkamisii», i pry hetym usie ličyli, što krainaj kirujuć ladačyja staryja namienkłaturniki. Lečkamisija była bialmom na voku, materyjalizavanym uvasableńniem pryvilejaŭ. Mienavita na chvali baraćby z pryvilejami pryjšła da ŭłady maładaja kamanda, dy voś dzivosy — tak raschvarelisia «maładyja vaŭki», što da ŭžo najaŭnych karpusoŭ lečkamisii im spatrebiŭsia i budynak dziciačaj palikliniki, i pamiaškańni Instytutu radyjacyjnaj miedycyny. Ciapier voś jašče budujuć dva vielizarnyja novyja korpusy. Pryčym budujuć proci zimy, u pieryjad vostraha finansavaha kryzisu. Usie sacyjalnyja prahramy ŭrazajucca, ale ništo nie pieraškodziła čynoŭnikam razbuchać miehabudoŭlu balnicy dla samich siabie.
A kali padumać, to vychodzić niejki absurd! To jany ŭsie pavalna ŭ chakiej hulajuć i pa prezidenckim śvistku na łyžach krosy šparać, to ŭ klinikach svaich źmiaścicca nie mohuć... Ci jany prosta z krosu — da daktaroŭ biahuć?! Dyk, panovie, dla dziaržavy hetyja vašyja zabiehi zadoraha abychodziacca.
Jak ja razumieju: chvoryja — lačyciesia i nie zajmajcie vysokaapłatnyja miescy. I lepiej lačyciesia ŭ zvyčajnych haradskich balnicach.
