Z pačatku 2009 hoda była vymušana prypynić vychad niedziaržaŭnaja hazieta «Vitiebskij kuŕjer M». Redakcyja piśmova paviedamiła pra heta Ministerstvu infarmacyi.
«Prypynieńnie źviazana vyklučna z ekanamičnymi pryčynami, — patłumačyŭ pres‑słužbie HA «BAŽ» jurydyčny kansultant ZAT «Vydaviecki dom «Vitiebskij kuŕjer« Pavieł Levinaŭ. — Hazieta pazbaŭlena mahčymaści raspaŭsiudžvacca pa padpiscy i praź sietku «Biełsazdruku«, drukarni Viciebskaj vobłaści admaŭlajucca supracoŭničać, i my vymušanyja byli vazić nakłady sa Smalensku… Usio heta ciahnie vialikija finansavyja vydatki. Tamu ŭsie supracoŭniki adpraŭleny ŭ adpačynak u suviazi z časovym prypynieńniem dziejnaści».
Na jaki pieryjad prypyniła vychad hazieta, pakul nieviadoma.
Pa słovach P. Levinava, usio zaležyć ad dalejšaha raźvićcia situacyi.
«Ja nie baču jakich‑kolviek surjoznych zruchaŭ u halinie svabody ŚMI. Heta dobra, kaniečnie, što jašče dźvie niedziaržaŭnyja haziety («Narodnaja vola» i «Naša Niva») raspaŭsiudžvajucca lehalna. Ale pra rehijanalnyja haziety nichto va ŭładnych strukturach nie ŭzhadvaje,a zakliki hramadskaści viarnuć ich u pravavoje pole paprostu ihnarujucca», — kaža juryst.
Apošni numar haziety «Vitiebskij kuŕjer M» vyjšaŭ u śniežni 2008 hoda.
0
0
0
0
0
0