Hienprakuratura zakryła dźvie kryminalnyja spravy ŭ dačynieńni da staršyni Abjadnanaj hramadzianskaj partyi Anatola Labiedźki.
Pra heta jamu paviedamili siońnia ŭ Hienieralnaj prakuratury.
«Siońnia ja sustreŭsia z kiraŭnikom pieršaha adździełu Hienieralnaj prakuratury sp. Ivanovym. Jon uručyŭ mnie pastanovu ab spynieńni kryminalnaha pieraśledu pa majoj kryminalnaj spravie, a taksama ŭviedamleńnie ab spynieńni papiaredniaha rasśledavańnia kryminalnaha pieraśledu. Ź ich ja daviedaŭsia, što 3 lutaha śledčy pa asabliva važnych spravach prakuratury Minsku sp. Ahafonaŭ razhledzieŭ dźvie maje spravy i spyniŭ ich».
Pieršaja sprava była zaviedziena 27 listapada 2001 h. za artykuł, nadrukavany ŭ haziecie «Narodnaja vola», druhaja —1 sakavika 2004 h. za intervju prahramie Mikałaja Svanidzie «Zierkało» na kanale RTR. Apazicyjnaha palityka abvinavacili ŭ raspaŭsiudzie naŭmysna chłuślivych źviestak pra prezidenta Respubliki Biełaruś.
Mienavita na padstavie zaviedzienych kryminalnych spravaŭ Anatolu Labiedźku byŭ spynieny vyjezd za miežy krainy.