Haradzienski bard i aktor Viktar Šałkievič adznačaje siońnia 50-hadovy jubilej.
Fota Julii Daraškievič
U tvorčym nabytku Viktara Šałkieviča siem albomaŭ, dźvie roli ŭ kino, a ŭ haradzienskim teatry lalek zaŭsiody poŭna, kali tam hrajuć «Tutejšych» ź jahonym udziełam. Aŭtar viadomych ad Horadni da Mahilovu «Tavaryša Sapiehi» dy «Karotkaj historyi Biełarusi», akramia ŭsiaho, sumiaščaje aktorskuju karjeru z praviadzieńniem aŭkcyjonaŭ, a taksama pravodzić zabaŭlalnyja mierapryjemstvy.
«Jość takaja charošaja lehienda pra majo naradžeńnie — ciažarnaja mnoju mama ŭ toj viečar dapamahała baćku i majmu bratu budavać chleŭ, siekła treski» — pryhadvaje Viktar Šałkievič. Uviečary pryjšoŭ čas naradžać, pavieźli paradzichu ŭ miastečka, ale nie davieźli — naradziŭsia Viktar na saniach. «Heta byŭ jak znak, što ŭsio žyćcio praviadu ŭ darozie» — kaža tvorca i ŭ paćvierdžańnie hetych słovaŭ dadaje, što tolki što viarnuŭsia ź Vilni. «Byŭ ranicaj kala kaściołu Maci Božaj Vastrabramskaj, znajšoŭ niekalki litoŭskich manietaŭ, a jašče ptuška mnie plamu na nahavicy zrabiła — dobraja prykmieta! Tamu nastroj u mianie dobry» — śmiajecca Viktar.
15 lutaha bard daść u honar svajho jubileju kancert u Minsku ŭ pałacy kultury Prafsajuzaŭ.
Redakcyja «Našaj Nivy» dałučajecca da vinšavańniaŭ jubilaru, žadaje mocnaha zdaroŭja i aptymizmu!
