Jašče ŭ formie MTZ. Fota mtz-ripo.by
Forvard zbornaj Biełarusi Viačasłaŭ Hleb try tydni znachodzicca na tureckim zbory kitajskaha kłuba «Šanchaj Šeńchua». Dniami naš suajčyńnik padpisaŭ dvuchhadovy kantrakt,paviedamlaje Priessboł.
«Šanchaj Šeńchua» hulaje ŭ Supierlizie Kitaja, dzie vystupaje 16 kamandaŭ. U minułym siezonie kłub zaniaŭ 2‑ie miesca.
Kłub «Šeńchua» (pierakładajecca jak «Kvietka») byŭ stvorany ŭ 1993 h., u 2007 h. abjadnaŭsia z «Šanchaj Junajted». Čempijon krainy 1995, 2003 h.
***
Viačasłaŭ Hleb naradziŭsia 12 lutaha 1983 h. Pačaŭ karjeru ŭ «Dynama‑Juni» — tady kłub biełaruskaj pieršaj lihi (D-2). U 2000 h. pierajšoŭ u moładzievuju kamandu «Štutharta» (nie błytać z asnoŭnaj kamandaj «Štuthart», za jakuju paśpiachova vystupaŭ jaho brat Alaksandr).
U 2003 h. zaklučyŭ kantrakt z kłubam niamieckaj bundeślihi «Hamburh», ale tam nie zamacavaŭsia. Zhulaŭ dziesiać matčaŭ, nie zabiŭ nivodnaha miača i byŭ addadzieny ŭ šviejcarski «Hraschopier», dzie jaho znoŭ čakaŭ pravał.
Viarnuŭsia ŭ MTZ‑RIPA, niekatory čas hulaŭ u «Kaŭnasie», potym biespaśpiachova prachodziŭ ahledziny ŭ šatłandskim «Chartsie» («MTZ‑RIPA, «Kaŭnas» i «Charts» — naležać da chołdynhu litoŭskaha biźniesmiena Uładzimira Ramanava), biespaśpiachova jeździŭ na prahlad u «Rodu», da jakoj prajaŭlaŭ cikavaść - nie bolej - «Tviente» (Niderłandy).
Viačasłava Hleba nazyvajuć talenavitym futbalistam, jaki praz ułasnuju lanotu i charaktar zakapaŭ hety talent hłyboka ŭ ziamlu.
***
Letaś za kłub «Laonin» vystupaŭ biełarus Raman Kirenkin, jaki płanuje pradoŭžyć karjeru ŭ inšym kłubie, bo kłub vylecieŭ z supierlihi. Adpravilisia ŭ Kitaj padpisvać kantrakty Andrej Razin i Mikałaj Ryndziuk, apošni ŭžo hulaŭ u Kitai.
