Niekalki miesiacaŭ tamu Homielskamu abłano pryjšło ŭ hałavu, što nieabchodna palepšyć pakazčyki CT, a palepšyć ich jany mohuć, tolki kali spuściać z nastaŭnikaŭ apošniuju skuru. I pajechali nastaŭniki, asabliva z hłybinki, u Homiel — zdavać testy pa CT, pryčym zavablivali ich tudy vyklučna padmanam, niby na kansultacyju.
Dalej — horaj. Pa vobłaści ŭparta cyrkulujuć słych pra samahubstva nastaŭnicy rasiejskaj movy adnoj ź viaskovych škoł, jakuju litaralna hetym testavańniem daviali. Zrešty, infarmacyja hetaja nie paćvierdžanaja — nichto ničoha nie viedaje. Sprava ŭ inšym.
Znajšoŭsia chtości advažny i pažaliŭsia ŭ Ministerstva adukacyi, i voś tut i vyśvietliłasia, što heta — samaŭpraŭstva miascovych uładaŭ, a kankretna — homielskich. I testavańniu nastaŭnikaŭ dali zadni chod.
Praŭda,
na dniach škoły horada Rečycy atrymali ŭkazańnie prymusić nastaŭnikaŭ padpisacca, što jany apavieščanyja i nie suprać taho, što ŭ ich słužbovyja instrukcyi i kałdamovu budzie ŭniesieny z 13.03.2009 taki punkt: «Nastaŭnik niasie asabistuju piersanalnuju adkaznaść za vyniki CT».I adpaviedna, chto heta nie padpisvaje — dadzienyja buduć adpraŭlenyja ŭ adździeł kadraŭ, i rabicie kantraktniki vysnovy!
Kali ŭ takoha nastaŭnika dzicia zdaść CT na nizki bał, nastaŭnik uvieś nastupny hod nie budzie atrymlivać ni premii, ni dapłaty, pytańnie budzie vyrašacca až da adpaviednaści pasadzie.
U vyniku školnaj reformy dzieci dva hoda prachodziać za adzin, prahramy zrezali, źniaviečyli, testavańnie nie adpaviadaje školnaj prahramie na 80%, padručnikaŭ brakuje, a elektronnyja viersii nie ŭsim dastupnyja, bo niama kamputaraŭ, i ciapier taki cisk na nastaŭnika, aby padniać ličby.Chaciełasia b viedać, nakolki hetaje samaŭpraŭstva miascovych pradstaŭnikoŭ adukacyi adpaviadaje pracoŭnamu zakanadaŭstvu?