Aryštavanych 8 lutaha vaŭkavyscaŭ Mikołu Aŭtuchoviča, Juryja Lavonava i Ŭładzimira Asipienku pieravodziać u SIZA na Vaładarskaha. Da hetaha mužčyny znachodzilisia ŭ IČU na Akreścina, paviedamiŭ «NN» pravaabaronca Aleh Voŭčak.
Utrymańnie pad vartaj praciahnutaje jašče na siem dzion. Stała viadoma advakatam aryštavanych. Termin znachodžańnia za kratami praciahnuli śledčy Kucharčyk, a taksama prakuror Minska Kulik.
U SIZA pavinny adbycca vočnyja staŭki aryštavanych ź śviedkami.
Nahadajem, što byłych palitviaźniaŭ Mikołu Aŭtuchoviča i Juryja Lavonava, a taksama ichniaha paplečnika Ŭładzimira Asipienku padazrajuć u parušeńni artykułu 218 častka 2 KK «Naŭmysnaje źniščeńnie, albo paškodžańnie majomaści, jakoje pryviała da značnych strataŭ».