Kardynał, jaki biełarusizavaŭ Kaścioł. Kardynał, jaki prajšoŭ kameru śmiarotnikaŭ Bieraściejskaj turmy i saviecki kanclahier. Jon sychodzić u 92 hady. Vialiki kardynał – čytajcie pra jaho ŭ nastupnym numary «NN».
Papa Benedykt XVI vyzvaliŭ z pasady kiraŭnika Katalickaje Carkvy ŭ Biełarusi kardynała Kazimiera Śviontka, mitrapalita Mienska-Mahiloŭskaha na hruncie kanonu 401 parahrafu 1 kodeksu kananičnaha prava.
Razam z tym, śviaty ajciec pryznačyŭ Antonija Dziamjanku, tytularnaha biskupa Leśvijskaha i dapamožnaha Mienska-Mahiloŭskaha, apostalskim administrataram sede vacante i ad nutum Sanctae Sedis nazvanaj mitrapalitalnaj stalicy. Siońnia ž biskup Dziamjanka (na fota) prymie vysokuju pasadu, daručanuju jamu śviatym ajcom.
Kazimier Śviontak, arcybiskup na pensii, jakomu 21 kastryčnika hetaha hodu spoŭnicca 92 hady, praciahnie vykonvać abaviazki Pinskaha apostalskaha administratara ad nutum Sanctae Sedis.
Na plenarnym pasiadžeńni Kanferencyi katalickich biskupaŭ pasada staršyni była davierana Alaksandru Kaškieviču, biskupu Haradzienskamu, jaki da hetaha času byŭ namieśnikam staršyni. Pasadu namieśnika staršyni zaniaŭ Uładzisłaŭ Blin, biskup Viciebski.
Kazimier Śviontak naradziŭsia ŭ 1914 hodzie. Z 1991 h. arcybiskup, z 1994 h. kardynał.
Pavodle catholic.by
