U 2008 hodzie amal u pałovy darosłaha nasielnictva krainy, jakoje prajšło dyspansieryzacyju, vyjaŭleny raniej nie dyjahnastavanyja zachvorvańni.
Pra heta paviedamiŭ ministr achovy zdaroŭja Biełarusi Vasil Žarko 25 lutaha na vynikovaj kalehii Ministerstva achovy zdaroŭja.
Jon zaznačyŭ, što ŭ cełym u krainie ahledžana 98,8% žycharoŭ. «Letaś praviedzieny šyrokamaštabnyja mierapryjemstvy pa zabieśpiačeńni dyspansieryzacyi nasielnictva. Nakolki składanaja hetaja zadača, śviedčyć chacia b toje, što ŭsieahulnaja dyspansieryzacyja nie ŭviedziena ni ŭ adnoj dziaržavie śvietu», — skazaŭ ministr. Jon paviedamiŭ, što padrychtavany narmatyŭnyja pravavyja akty ab paradku praviadzieńnia dyspansieryzacyi i arhanizacyi pracy adździaleńniaŭ prafiłaktyki paliklinik.
Pavodle słoŭ V.Žarko, u paliklinikach stvarajucca centry kalektyŭnaha karystańnia darahim abstalavańniem, ukaraniajucca kampjuternyja technałohii, arhanizavana dzvuchźmiennaj praca dzionnych stacyjanaraŭ, uviedziena pasada pamočnika ŭrača pa ambułatorna‑palikliničnaj praktycy, što «dazvalaje značna pašyryć funkcyi siarednich miedycynskich rabotnikaŭ, źmienšyŭšy nahruzku na pryjomie ŭrača». Akramia hetaha, praciahvajecca ŭdaskanaleńnie pracy rehistratur paliklinik, raspačata ich pieraasnaščeńnie šmatkanalnaj telefonnaj suviaźziu i łakalnymi sietkami. Ministerstvam zaćvierdžany prykładnyja štatnyja narmatyvy miedycynskich i inšych rabotnikaŭ paliklinik, a taksama halinovyja normy času absłuhoŭvańnia ŭračami, jakija akazvajuć ambułatorna‑palikliničnuju dapamohu.
Razam z tym ministr zaznačyŭ, što «zachoŭvacca tendencyja da rostu naviedvańnia ŭračoŭ». Letaś u raźliku na adnaho žychara prypała 12,9 naviedvańnia. «Kali ŭličyć pryvatnuju miedycynskuju praktyku i pracu viedamasnych miedycynskich arhanizacyj, hety pakazčyk adzin z najvyšejšych u śviecie», — kanstatavaŭ kiraŭnik ministerstva.
Jon taksama paviedamiŭ, što pavieličeńnie abjomu akazańnia chutkaj i nieadkładnaj dapamohi ŭ 2008 hodzie skłała 13%. Heta 316,6 vyjezdu bryhad chutkaj miedycynskaj dapamohi na 1.000 čałaviek.
