16 červienia ŭ vioscy Zaborje Rasonskaha rajonu Viciebskaj vobłaści pačaŭsia II Festyval sielskaha turyzmu. Čakajecca ŭdzieł arhanizataraŭ ahra- i ekaadpačynku z mnohich rehijonaŭ Biełarusi, a taksama pradstaŭnikoŭ vykanaŭčaj ułady roznych uzroŭniaŭ. Ciaham troch dzion jany buduć abmieńvacca dośviedam raźvićcia ahraturystyčnych haspadarak. Jak paviedamili karespandentu www.belngo.info u pradstaŭnictvie Abjadnanych Nacyjaŭ u Biełarusi, na «Zaborskim feście - 2006» buduć pradstaŭlenyja vyniki padtrymki sielskaha adpačynku ŭ miežach prajektu Prahramy raźvićcia AAN pa ekalahična ŭstojlivym raźvićci rehijonu «Biełaviežskaja pušča». Prahrama achoplivaje Kamianiecki i Pružanski rajony Bieraściejščyny dy Vaŭkavyski, Zelvienski i Śvisłacki rajony Haradzienščyny.
Na festyvali buduć pakazanyja turystyčnyja trasy i zialonyja maršruty pa miascovych aziorach i zakaźnikach; projdzie prezentacyja siadziby «Babrova chata» ŭ vioscy Ŭklejenka. Buduć pracavać handal i vystava-kiramaš narodnych ramiostvaŭ. Čakajecca raznastajnaja mastackaja i spartyŭnaja prahrama. Naprykład, na śviacie možna budzie pabačyć staradaŭnija abrady našych praščuraŭ: raźvitańnie z rekrutam, dažynki, adviedki niemaŭlaci.
Vitald Hambrovič, belngo.info
❏
Raskład aŭtobusaŭ pa ŭsioj krainie
