Na 22-m miescy z 24-ch skončyli rehularny čempijanat Kantynientalnaj chakiejnaj lihi minskija «dynamaŭcy».
U apošnim matčy ŭ KCHŁ jany prajhrali navakuźnieckamu «Mietałurhu» ź likam 2:4.
Taksama minčuki finišavali na apošnim 6-m miescy ŭ svaim dyvizijonie.
Horaj za nas vystupili tolki «Chimik» i «Viciaź». Jašče niedzie ŭ śniežni dynamaŭcy pazbavilisia šancaŭ trapić u plej-of (šasnaccać najmacniejšych).
Ciapier uvaha biełaruskich amataraŭ chakieju pieraklučycca na ŭłasny čempijanat, jaki taksama zaviaršajecca na hetym tydni.
Užo vyznačylisia ŭsie vosiem kamandaŭ, što buduć hulać u ajčynnym plej-of: «Junactva», «Homiel», «Mietałurh», «Kieramin», «Viciebsk», «Chimvałakno», «Nioman», «Chimik-SKA».
Ale kančatkova pary šče nie sfarmavanyja. Viadoma tolki, što lider rehularki Junactva budzie hulać u 1/4 finału z "Chimikam-SKA". A tak kamandam dahulać pa matčy-dva, 27 lutaha i 1 sakavika.
Čverćfinały pačynajucca ŭžo na nastupnym tydni.
0
0
0
0
0
0
