Amar al-Bašyr i Łukašenka ŭ Minsku, axisglobe.com
Mižnarodny kryminalny sud u Haazie vydaŭ sankcyju na aryšt prezidenta Sudana Amara al‑Bašyra.
Jaho vinavaciać u złačynstvach suprać čałaviectva i vajennych złačynstvach u pravincyi Darfur, u vyniku čaho byli zabityja 35 tys. čałaviek, a jašče 100 tys. zahinuli ad hoładu i chvarobaŭ.
Heta rašeńnie zrabiła Bašyra samaj vysokapastaŭlenaj asobaj, jakuju było vyrašana aryštavać z momantu zasnavańnia suda ŭ 2002 h., paviedamlaje hazieta.ru sa spasyłkaj na Rejter.
***
27‑29 lipienia 2004 h. prezident Sudana Amar al‑Bašyr prylataŭ u Minsk, dzie sustreŭsia z Alaksandram Łukašenkam, naviedaŭ Minski traktarny zavod, aŭtamabilny zavod, BiełAZ.
Biełaruś i Sudan abmieńvalisia delehacyjami. U lutym 2006 h. heta krainu naviedaŭ ministr zamiežnych spraŭ Siarhiej Martynaŭ, u śniežni 2007 h. u Biełaruś prylacieŭ ministr zamiežnych spraŭ Sudana Łem Akoł Adžavin.
Mierkavałasia taksama, što uviesnu 2007 h. hetu krainu naviedaje A. Łukašenka, ale vizit nie adbyŭsia.
