Ad paniadziełka, 9 sakavika, na Pieršym nacyjanalnym telekanale (BT) pačniecca pakaz treciaha siezona papularnaha sieryjała "Doktar Chaŭz",
jaki raspaviadaje pra ekscentryčnaha, nadzvyčaj cyničnaha, ale vielmi hienijalnaha doktara-dyjahnosta Hrehary Chaŭza.
U hałoŭnaj roli - brytanski aktor Chju Łory.
Sieryjał, jak i papiarednija dva siezony, budzie pakazvacca z paniadziełka pa čaćvier, dvojčy na dzień: u 21:50 i 00:50.
Vyniatak - dni Lihi čempijonaŭ, naprykład, nastupnyja aŭtorak i sierada, kali BT pakaža paŭtornyja matčy 1/8 finału.
Sieryjał karystajecca vialikaj papularnaściu ŭ śviecie i byŭ nieadnarazova adznačany prestyžnymi ŭznaharodami, u tym liku «Emi» i «Załaty hłobus», zbolšaha jak «Najlepšy dramatyčny sieryjał», a Chju Łory - jak najlepšy aktor dramatyčnaha sieryjała.
Zaraz u Amierycy idzie 5-ty siezon «House MD».
Što da pieršaha i druhoha siezonaŭ, to na BT jon sabraŭ rekordnuju aŭdytoryju.
Film hladzieła tracina viačerniaj hladackaj aŭdytoryi, pavodle źviestak pres-słužby Biełteleradyjokampanii.
