Navukovyja arhanizacyi i VNU Biełarusi dla praviadzieńnia navukovych i dośledna ‑kanstruktarskich rabot mohuć stvarać unitarnyja pradpryjemstvy, jakija ŭ svaju čarhu buduć mieć šerah ilhot.
Takoje prava pradastaŭlena ŭkazam Prezidenta Biełarusi ad 9 sakavika numar 123 «Ab niekatorych mierach pa stymulavańniu inavacyjnaj dziejnaści ŭ Respublicy Biełaruś», paviedamili BIEŁTA u pres‑słužbie kiraŭnika dziaržavy.
Unitarnym pradpryjemstvam dazvalajecca samastojna ŭstanaŭlivać ceny na vyrablenuju pradukcyju, vyznačać abjomy i vidy zakuplajemych materyjałaŭ. Jany taksama vyzvalajucca ad abaviazkovaha prodažu valuty, vypłaty zboru ŭ respublikanski fond padtrymki vytvorcaŭ sielskahaspadarčaj pradukcyi i abkładańnia ŭvaznymi mytnymi pošlinami na abstalavańnie, pryznačanaje dla vykanańnia navukova‑daśledčych i dośledna‑kanstruktarskich rabot.
Akramia taho, pradpryjemstvy, što stvarajucca, atrymajuć prava na praciahu troch hadoŭ z momantu pačatku vytvorčaści navukajomistaj pradukcyi adličvać da 2 pracentaŭ vyručki ad jaje realizacyi vykanaŭcam navukovych raspracovak z adniasieńniem hetych adličeńniaŭ na sabiekošt pradukcyi.
Jak rastłumačyli ŭ pres‑słužbie, realizacyja ŭkaza daść mahčymaść pašyryć inavacyjnuju infrastrukturu, stvaryć novyja rabočyja miescy, pryciahnuć inviestaraŭ i stać stymułam dla aktyvizacyi inavacyjnaj dziejnaści navukovych i navučalnych ustanoŭ.
Ukaz ustupaje ŭ siłu z dnia jaho aficyjnaha apublikavańnia.