Šanoŭnaje spadarstva! 17 sakavika (aŭtorak) u muziei Maksima Bahdanoviča (vuł. Bahdanoviča, 7a) adbudziecca unikalnaja tvorčaja sustreča-dyskusija ź viadomym biełaruskim piśmieńnikam Alhierdam BACHAREVIČAM.
Viadučyja viečaryny — maładyja krytyki Marharyta ALAŠKIEVIČ i Vika TRENAS – pasprabujuć najbolš poŭna pradstavić biełaruskamu čytaču tvorčaść maładoha prazaika, jaki ciapier žyvie i pracuje ŭ Hamburhu.
U miežach mierapryjemstva adbudziecca prezientacyja novaj knihi Alhierda Bachareviča “Saroka na šybienicy”, a taksama dyskusija pra pierśpiektyvy raźvićcia najnoŭšaj biełaruskaj litaratury.
Pačatak u 18.00.
Kvitki 2600 bieł. rub.
Alhierd Bacharevič – piśmieńnik, naradziŭsia ŭ 1975 hodzie ŭ Minsku. Aŭtar knih “Praktyčny dapamožnik pa rujnavańni haradoŭ” (2002, premija “Hliniany Viales”), “Naturalnaja afarboŭka” (2003), “Nijakaj litaści Valancinie H.” (2006), “Praklatyja hości stalicy” (2008), “Saroka na šybienicy” (2009). Udzielnik Bierlinskaha litaraturnaha kalokviuma, teatralnaha fiestyvalu ŭ Lublinie (Polšča), litaraturnaha fiestyvalu “Vilenica-2006” u Słavienii, Lesefest Osteuropa (Lejpcyh, Niamieččyna), “Miesiaca aŭtarskaha čytańnia” u Brnie (Čechija), stypiendyjat IHAG (Hrac, Aŭstryja), niamieckaha PEN-centra. Pavodle apytańnia, praviedzienaha interniet-sajtam “Novaja Eŭropa” www.n-europe.eu/, nazvany lepšym biełaruskim piśmieńnikam 2006 hoda. Paasobnyja tvory Alhierda Bachareviča pierakładalisia na niamieckuju, češskuju, ukrainskuju, bałharskuju, słavienskuju i inšyja movy.
