Bolš jak u pałavinie ŭviedzienych u 2008 hodzie ahraharadkoŭ abjom rabot na abjektach sacśfiery vykanany nie poŭnaściu. Ab hetym paviedamiŭ ministr sielskaj haspadarki i charčavańnia Siamion Šapira siońnia na pasiadžeńni Prezidyuma Savieta Ministraŭ, na jakim razhledžany vyniki vykanańnia ŭ 2005‑2008 hadach Dziaržaŭnaj prahramy adradžeńnia i raźvićcia vioski na 2005‑2010 hady, pieradaje karespandent BIEŁTA.
Siamion Šapira adznačyŭ, što praviedziena abśledavańnie ŭsich uładkavanych u minułym hodzie ahraharadkoŭ. «U 144 ahraharadkach, abo ŭ 53 pracentach, jość 317 abjektaŭ sacyjalnaj śfiery, pa jakich nie vykanany ŭvieś abjom rabot pa prajektach», — skazaŭ ministr. Častka abjektaŭ uviedziena ŭ ekspłuatacyju ŭ studzieni‑lutym biahučaha hoda, adnak usio jašče zastajucca nie ŭviedzienymi 173 abjekty. Nieabchodna ŭsim dziaržaŭnym zakazčykam i vykanaŭcam dziaržprahramy praanalizavać pryčyny hetaj situacyi z pryciahnieńniem da adkaznaści vinavatych słužbovych asob, padkreśliŭ Siamion Šapira.
Na dumku ministra, na miescach jość vypadki farmalnaha padychodu da stvareńnia ahraharadkoŭ. «U niekatorych nasielenych punktach bolšaść abjektaŭ sacyjalnaj śfiery zastałasia ŭ takim ža niezdavalniajučym stanie, jak i da prysvajeńnia im statusu ahraharadka», — kanstatavaŭ jon. Mnohija škoły, dziciačyja sady, damy kultury i inšyja sacyjalnyja abjekty ŭ vioscy pabudavany 30 i bolš hadoŭ tamu, niahledziačy na heta, jak praviła, tut abmiažoŭvajucca biahučym ramontam. Asabliva ŭ niezdavalniajučym stanie znachodziacca inžyniernyja kamunikacyi. Tamu asablivy kantrol budzie ŭdzialacca tamu, kab mierapryjemstvy ŭ ahraharadkach nie zvodzilisia da kaśmietyčnaha ramontu.
