Rasijskija ŚMI pahražajuć, što haz Biełaruś uvieś hod budzie kuplać pa 210 dalaraŭ, a novy kredyt ułady nie atrymajuć. Ź inšaha boku, Rasija hatovaja pieradumać uzamien za biełaruskuju małakapierapracoŭku i daterminovy «Biełtranshaz».
U svajoj padmaskoŭnaj rezidencyi «Zavidava» prezident RF Dźmitryj Miadviedzieŭ učora prymaŭ Alaksandra Łukašenku.
Jak piša hazieta «Kommiersant», za try hadziny znosinaŭ (BIEŁTA havoryć pra siem hadzinaŭ) rasiejskamu boku ŭdałosia adhavaryć Łukašenku brać u Maskvy kredyt u pamiery 100 młrd rub. (kala 3,5 miljardaŭ dalaraŭ), uhavaryć jaho płacić $210 za tysiaču kubamietraŭ rasiejskaha hazu i, mahčyma, pryznać Abchaziju i Paŭdniovuju Asieciju.
«Vy hatovyja paradavać Biełaruś 100 miljardami? — pacikaviŭsia karespandent «Kommiersanta» u kiraŭnika Minfina Alaksieja Kudryna napiaredadni sustrečy dvuch kiraŭnikoŭ
«Jakija 100 miljardaŭ? Niama nijakich miljardaŭ!— zajaviŭ ministr. — Voś dziŭna — da kryzisu dapamohu mierali dziasiatkami miljardaŭ, a ŭ jaho razhar tak paprostu pierajšli na sotni».
Adzin z vysokapastaŭlenych supracoŭnikaŭ administracyi prezidenta RF taksama ŭ intervju žurnalistam zajaviŭ:
«Hrošy, jakija jany ad nas čakajuć, pavinnyja pajści na vypłaty piensij, dapamohaŭ, karaciej, na vykanańnie sacabaviazańniaŭ. Ale
nas zusim nie ciešyć, što biełaruskija ŭłady zajmalisia papulizmam za naš košt.Dumaju, nijakich hrošaj my im nie dadzim».
Pa mierkavańni vydańnia, sudziačy pa składzie rasiejskaj delehacyi, u Alaksandra Łukašenki było krychu šancaŭ zastacca paśla hetaj sustrečy pry rasiejskich hrošach. Akramia Alaksieja Kudryna na dapamohu Dźmitryju Miadviedzievu hatovyja byli pryjści vice‑premjer Ihar Siečyn i pamočnik prezidenta RF Siarhiej Prychodźka. Nie mienš važnuju rolu, jak stała zrazumieła paźniej, syhraŭ i namieśnik staršyni «Hazpromu» Alaksandr Miadviedzieŭ.
Pieramovy Łukašenki i Miadviedzieva za začynienymi dźviaryma doŭžylisia amal try hadziny. I pa miery svajoj niepatrebnaści, prykładna raz u hadzinu, rezidencyju Dźmitryja Miadviedzieva adzin za inšym pakidali ŭdzielniki rasiejskaj delehacyi.
«Ci znajšlisia ŭ vas u vyniku 100 młrd dla Alaksandra Łukašenki? — pacikavilisia žurnalisty ŭ ministra finansaŭ Kudryna
«Pytańnie pradastaŭleńnia Biełarusi kredytu vyvučajecca»,— adkazaŭ Kudryn.
Apošniaje słova jon vymaviŭ pa składach, nie ŭdakładniŭšy, jak doŭha budzie razhladacca biełaruskaja zajaŭka i ci budzie pa joj pryniataje stanoŭčaje rašeńnie ŭ vypadku pryznańnia Mienskam niezaležnaści Abchazii i Paŭdniovaj Asiecii. Paviedamiŭšy naprykancy, što RF i Biełaruś rychtujuć damovu ab rublovych raźlikach za enierharesursy, Alaksiej Kudryn adbyŭ u Maskvu.
Nastupnymi ad prezidentaŭ vyšli Ihar Siečyn i Alaksandr Miadviedzieŭ. U apošniaha ŭčora było asabliva šmat pracy. Jak vyśviatliŭ «Kommiersant», u pieršym kvartale hetaha hoda biełaruskija ŭłady zrabili vyhlad, što nie zaŭvažyli padvyšeńnia koštu na haz sa $128 da $210 za tysiaču kubamietraŭ i apłacili pastaŭki pa raniejšym taryfie. U vyniku za dva zimovych miesiacy Miensk staŭ vinien «Hazpromu» kala $70 młn, što pačynała niervavać rasiejskuju manapoliju. Adnak, jak raspavioŭ Alaksandr Miadviedzieŭ, pieramovy ŭ Zavidavie vyrašyli ŭsie prablemy.
«My ab usim damovilisia i źniali ŭsie niaŭviazki»,— paviedamiŭ Miadviedzieŭ.
Atrymlivajecca, što nadalej Miensk budzie kuplać rasiejski haz pa $210 za tysiaču kubamietraŭ. Jašče baki ŭmovilisia, što chutkim časam «Hazpram» daviadzie svaju častku u braterskim «Biełtranshazie» da abumoŭlenych 50% akcyj (u studzieni «Hazpram» raźličyŭsia za čarhovyja 12% i ciapier jamu naležyć 37,5%). Takim čynam, i hazavaje pytańnie pakul možna ličyć zakrytym.
Akramia taho, jak paviedamiŭ «Kommiersantu» čynoŭnik, jaki taksama pabyŭ za začynienymi dźviaryma i jaki nie pažadaŭ adkryć svajho imia, na pieramovach Maskva padniała pytańnie ab pryvatyzacyi rasiejskim kapitałam małakapierapracoŭčych pradpryjemstvaŭ Biełarusi i amal jaho vyrašyła. Pracoŭnaja hrupa, jakaja składzie śpis pryvabnych dla rasiejskaha biznesu abjektaŭ, moža prystupić da pracy ŭžo ŭ pačatku krasavika. Bolš za toje, litaralna na dniach u Miensk nakirujecca Siečyn, jaki abhavoryć tam «sumiesnyja inviestycyjnyja prajekty» užo ŭ naftavaj śfiery.
Surazmoŭca haziety taksama raspavioŭ, u jakoj formie Biełarusi admovili ŭ kredycie:
— Prosta my pierakanali Łukašenku ŭ tym, što rašeńnie ab hetym treba prymać z ulikam situacyi ŭ śviecie. Akramia taho, nieabchodna, kab biełarusy pradastavili nam abhruntavańnie dla atrymańnia hetych hrošaj i pierakanali nas u tym, što zmohuć adpłacicca, kali my ich im dadzim. Heta važna.
Inšymi słovami,
Alaksandru Łukašenka ŭčora ŭsio ž pakinuli nievialikuju nadzieju. Apraŭdajecca jana ci nie, šmat u čym zaležyć ad taho, jak projdzie siesija biełaruskaha «parłamienta», jakaja pačniecca 2 krasavika.Učora krynica «'» u atačeńni Alaksandra Łukašenki paviedamiŭ, što, niahledziačy na niezadavolenaść Jeŭrasajuzu, u paradak dnia «parłamientaryjaŭ» budzie zaniesienaje pytańnie ab pryznańni niezaležnaści Abchazii i Paŭdniovaj Asiecii. Bolš za toje, jon namiaknuŭ, što hetaje pytańnie moža być vyrašana stanoŭča dla Rasiei. Zrešty, jość u Mienska siurpryz i piersanalna dla Jeŭropy. Uvosień u Biełarusi projduć sumiesnyja z Rasiejaj maštabnyja vajskovyja vučeńni «Zachad‑2009».
