U Biełaruś biełyja busły zvyčajna prylatajuć u druhoj pałovie sakavika. Heta adzin z čatyroch vidaŭ ptušak, jakija prapanavany ŭ jakasci indykataraŭ nadychodu viasny ahulnajeŭrapiejskaj kampanii «Žyvaja viasna».
U ciopły siezon u nas žyvie kala 13 tysiač par biełych busłoŭ. Hniazdujucca jany hałoŭnym čynam u Palessi. Biełaruś uvachodzić u piaciorku jeŭrapiejskich krain, jakija najbolš padabajucca hetym ptuškam. Pa kolkasci par Biełaruś sastupaje tolki Polščy, Ukrainie, Turcyi i Ispanii. Charčujucca busły ziemnavodnymi, bujnymi nasiakomymi i čarviakami. Hetyja pryhožyja bujnyja ptuški adłoŭlivajuć palovak, jaščarak i źmiej.
Śpiecyjalist pa ekałahičnaj adukacyi hramadskaj arhanizacyi «Achova ptušak Baćkaŭščyny» Rusłan Šajkin adznačyŭ što, ubačyŭšy pieršych biełych busłoŭ, čytačy «Źviazdy» mohuć padzialicca svaimi nazirańniami i zaniesci infarmacyju na sajt www.springalive.net. Pryniać udzieł u kampanii «Žyvaja viasna» moža luby žychar Biełarusi.
Ab svaich nazirańniach možna paviedamić u ofis APB pa telefonie 8 017 263 06 13, pierasłać i ŭ vyhladzie SMS‑paviedamleńniaŭ na karotki numar 0841. Dla abanientaŭ velcom pasłuha kaštuje 220 rubloŭ. a MTS — 390.
