Pavodle infarmacyi staličnaj Dziaržaŭtainśpiekcyi, DTZ adbyłosia 27 sakavika kala apoŭdnia ŭ Minsku, u dvary doma 25, korpus 2, pa vulicy Ja.Kołasa.
Vadziciel hruzavoha mikraaŭtobusa «Miersiedes‑Bienc 308», jaki pryjechaŭ pa hetym adrasie dla vyhruzki budmateryjałaŭ, najechaŭ na piensijaniera pry ruchu zadnim chodam.
Vadziciel, mužčyna 1964 hoda naradžeńnia, śćviardžaje, što papiarednie pierakanaŭsia ŭ tym, što ludziej pobač niama, zavioŭ ruchavik, jašče raz pahladzieŭ u bakavyja lustry zadniaha vidu i pačaŭ ruch nazad, pakolki napieradzie byŭ tupik. Jon prajechaŭ kala 10 mietraŭ, jak raptam mašynu chistanuła. Vadziciel padumaŭ, što aŭtamabil trapiŭ u nievialikuju jamu.
Mikraaŭtobus spynili ludzi, što znachodzilisia pobač. Pavodle słoŭ śviedak, piensijanier lažaŭ pad aŭtamabilem na pravym baku na ŭzroŭni pravych pasažyrskich dźviarej, hałava jaho znachodziłasia na prajeznaj častcy, a častka tułava — ad stupniaŭ da ŭzroŭniu hrudnoj kletki — pad mikraaŭtobusam. Paciarpieły znachodziŭsia ŭ śviadomaści i prasiŭ «padniać mašynu».
Pavodle źviestak DAI, u piensijaniera zafiksavany šmatlikija traŭmy: čerapna‑mazhavaja traŭma lohkaj stupieni, strasieńnie mozhu, pierałom kaściej tvarnaha čerapa, udaranyja rany tvaru, zakrytaja traŭma hrudziej, pierałom niekalkich rebraŭ źleva, udar levaha lohkaha, a taksama traŭmatyčny šok 1‑j stupieni.
