Dniami nie stała viadomaha biełaruskaha režysiora i žurnalista, siabra Biełaruskaj asacyacyi žurnalistaŭ Aleha Biełavusava.
Aleh Biełavusaŭ šyroka viadomy jak scenaryst i režysior animacyjnaha i dakumientalnaha kino. Pa ŭłasnych padlikach Biełavusava, im albo pa jaho scenarach było źniata amal sto filmaŭ. Praŭda, u apošnija hady jaho tvorčaść była bolš zapatrabavanaja za miažoj.
«Žyćcio było strakataje, — pisaŭ pra siabie Aleh Biełavusaŭ. — Davodziłasia mnie ŭ žyćci i łavić rybu ŭ paŭnočnych marach, i valić les u Sibiry, słužyć u redakcyjach haziet, i zajmacca mastackaj krytykaj u toŭstych časopisach, vieści aŭtarskija pieradačy na telebačańni i pisać knihi».
U kancy 1990-ch sp. Biełavusaŭ vioŭ na «8-m kanale» prahramu «V barie u Oleha», kudy zaprašaŭ na razmovu «pa dušach» biełaruskich ludziej mastactva. U pačatku 2000-ch vioŭ na «Radyjo Racyja» aŭtarskuju prahramu, pryśviečanuju małaviadomym staronkam historyi Minska. Byŭ prafiesaram Biełaruskaj dziaržaŭnaj Akademii mastactvaŭ.
U Interniecie jon stvaryŭ virtualnuju «halereju mastactvaŭ Aleha Biełavusava», dzie znajomiŭ publiku z tvorami biełaruskich mastakoŭ, dyzajnieraŭ, skulptaraŭ, tvorčaściu jakich zachaplaŭsia i jakich viedaŭ asabista.
