Stereatypy nakont Uinstana Čerčyla paćviardžajucca: vydaje, jon sapraŭdy abmyvaŭ usio viski i abkurvaŭ cyharnym dymam. Natatka, napisanaja rukoj premjera, što vystaŭlena sioleta na łondanskim aŭkcyjonie za paŭtary tysiačy brytanskich funtaŭ, adno spraŭdžvajuć heta.
Červień 45-ha: 70-hadovy brytanski premjer lacić u svoj apošni ŭ hetaj svajoj kadencyi aficyjny vizit u ZŠA. Ale, peŭna, mieniu na śniadańnie, jakoje prapanavali ŭ samalocie padčas doŭhaha rejsu nie zadavoliła Čerčyla, i jon napisaŭ svaje pažadańni na šmatku papiery. Choć na adnym padnosie jon zakazaŭ tradycyjnyja jajka ŭśmiatku, redźku, sočyva, masła, kavu i małako, ale na druhim paprasiŭ prynieści šklanku, lod, sodavuju vadu, plašku viski i cyharu.
Krasamoŭnuju cydułku pradbačliva nie źniščyŭ ściuard.
