Aryhinalny žart na 1 krasavika zrabiŭ papularny rasijski sajt bash.org.ru.
U dzień durniaŭ na partale źjaviłasia nastupnaja abviestka: «Darahija čytačy, sardečna zaprašajem u novuju viersiju Bašorha! Na hety raz heta nie źmieny ŭ dyzajnie i nie novy padzieł sajta, a cełaja novaja mova. Ź siońniašniaha dnia, u ramkach dužańnia z suśvietnaj depresijaj i ekanamičnym kryzisam, naš sajt dastupny i na biełaruskaj movie. U samaj najblizkaj budučyni my płanujem zapuścić viersii na ŭkrainskaj, bałharskaj, kazachskaj i, viadoma, baškirskaj movach. (Pracy pa łakalizacyi iduć dahetul, prośba pastavicca z razumieńniem.)».
Bash.org — heta cytatnik rasijskaha internetu. Tut źbirajucca roznyja viasiołyja historyi, prykoły. Dosyć viadomy jon i ŭ Biełarusi.Samaje cikavaje, što na biełaruskuju movu była pierakładzienaja nie tolki hałoŭnaja staronka, a ŭvieś sajt całkam.
Pryčym, viersija pa‑biełarusku dastupnaja nie tolki z terytoryi našaj krainy, ale i z druhich krajoŭ.
Charakterna, što šmat rasijan paličyła, što ichny lubimy sajt pierakłali nie na biełaruskuju, a na ŭkrainskuju movu.
U cełym ža reakcyi internetčykaŭ na taki žart vielmi pazityŭny.
0
0
0
0
0
0
