Fota-Andrej Lankievič
«...Lech Valensa byŭ jeans... I Danijel Olbrychski — jeans… I Jan Pavał II — jeans... ....I Čarli Čaplin jeans. Kurt Kobejn byŭ jeans. Padazraju, što i Miki Maŭs — jeans...».
Viadomy brytanski dramaturh Tom Stopard i režysior biełaruskaha «Svabodnaha teatru» Mikałaj Chalezin vydali svaje volalubnyja pjesy pad adnoj džynsavaj vokładkaj.
U knihu ŭvajšli pjesa Toma Stoparda «Rok-n-Roł» (pra padziei Pražskaj viasny 1968 hodu), a taksama pracy Mikałaja Chalezina «Pakaleńnie Jeans» i «Spaścižeńnie kachańnia» (u suaŭtarśvie z Natallaj Kaladoj). Čyrvonaj nitkaj praz usie pjesy — tema svaboda, vonkavaj i źniešniaj, a taksama sproby naładzić ludskija stasunki va ŭmovach tatalitarnaha hramadstva. Chiba vynikam namahańniaŭ aŭtaraŭ padać los cełaha pakaleńnia jość spoviedź pryvatnaha čałavieka.
Premjera monaśpiektakla «Pakaleńnia Jeans» adbyłasia ŭ «Svabodnym teatry» ŭ 2006 hodzie: tady ŭ teatralnym ahladzie brytanskaj haziety The Guardian śpiektakl dastaŭ najvyšejšy bał. U «Pakaleńni» hałoŭny hieroj apaviadaje pra paŭpadpolny handal zamiežnymi kružełkami ŭ Minsku 80-ych, i potym pierakidvajecca na apisańnie pra adsidku «na sutkach» za udzieł u palityčnaj akcyi ŭžo ŭ ciapierašniaj RB.
Kožnaja pjesa vykładzienaja na troch movach: biełaruskaj, anhielskaj i rasijskaj — vybiraj lubuju, abo łjubuju. Paśla čytaj i staŭ śpiektakli jak Chalezin, staŭ lepiej za Chalezina — svaboda!
Pradmovu da knihi napisaŭ Vacłaŭ Havieł.
Rock'n'Roll dla pakaleńnia Jeans. Pjesy Toma Stoparda i Mikałaja Chalezina ŭ pierakładach. Minsk: Vydaviectva «Svabodnaha teatru», 2009—263s. 1000 as.
