Što pavinna zdarycca, kab možna było vyklikać palicyju? Žycharka Techasa ličyć, što dastatkova, kab u pryviezienaj z restaranu stravie było zamała krevietak.
Palicyja techaskaha haradka Chetłam abnarodvała siońnia telefonnuju razmovu pamiž palicejskim apierataram i šarahovaj hramadziankaj, padčas jakoj žančyna prosić u rupliŭcaŭ paradku i zakonnaści pryjechać da jaje, bo kuchary z rybnaha restaranu mieli nachabstva pakłaści ŭ zakazanuju joj porcyju krevietak zašmat rysu i niedastatkova ŭłasna krevietak. Pačuŭšy ščymlivy kryk ab ratunku, narad taki pryjechaŭ. Ale navat i tady, nijak nie źbiantežanaja žančyna paŭtaryła svaju žachlivuju skarhu pra katastrafičny brak morapraduktaŭ u talercy. Ašałomlenyja masštabami złačynstva palicyjanty navat naviedali prylehły rybny restarančyk i zładzili apyt rabotnikaŭ. Spadar šef-kuchar častkova pryznaŭ vinu, skazaŭšy: “Usim nie dahadziš”.
