Ranicaj 27 červienia nad Loznam załunaŭ bieł-čyrvona-bieły ściah z čornaj žałobnaj stužkaj.
Jon znachodziŭsia naviersie metaličnaj 30-metrovaj apory pad napruhaj u 30 tysiač volt, jakaja staić na pahorku kala šašy pry ŭjeździe ŭ Lozna z boku Viciebsku. Da ściaha była prymacavana zapiska: «Śvietłaj pamiaci słaŭnaha syna ziamli biełaruskaj Uładzimiera Pleščanki. Pakul na ziamli žyvuć takija ludzi, jak jon, – Biełaruś žyła, žyvie i žyć budzie viečna». I podpis – Miron.
Ściah źjaviŭsia pierad sarakavinami pa staršyni Viciebskaj arhanizacyi KCHP BNF Uładzimiera Pleščanki, jaki pamior 20 traŭnia na 58-m hodzie žyćcia. Lehiendarny Miron nieadnojčy padymaŭ ściah na hetaj niebiaśpiečnaj viežy. U pryvatnaści, byŭ jon uźniaty tam i da sarakavin z dnia śmierci Vasila Bykava.
