Ministerstva justycyi pravodzić aktyŭnuju rabotu pa spraščeńniu pracedur, źviazanych ź dziaržaŭnaj rehistracyjaj hramadskich abjadnańniaŭ.
Ab hetym BIEŁTA paviedamili ŭ Miniuście.
Ź lutaha 2009 hoda Ministerstva justycyi pry pryniaćci rašeńniaŭ ab dziaržaŭnaj rehistracyi novych hramadskich abjadnańniaŭ, ich sajuzaŭ (asacyjacyj) i fondaŭ adnačasova ažyćciaŭlaje pastanoŭku ich na ŭlik u padatkovych orhanach, orhanach dziaržaŭnaj statystyki, Fondu sacyjalnaj abarony Ministerstva pracy i sacyjalnaj abarony, a taksama rehistracyju ŭ Biełaruskim respublikanskim unitarnym strachavym pradpryjemstvie «Biełdziaržstrach».
Takim čynam pradstaŭnikam mižnarodnych i respublikanskich hramadskich abjadnańniaŭ užo niama nieabchodnaści paśla dziaržaŭnaj rehistracyi abjadnańnia samastojna źviartacca ŭ pieraličanyja orhany i arhanizacyi. Dakumienty, jakija paćviardžajuć pastanoŭku abjadnańnia na ŭlik u nazvanych orhanach i arhanizacyjach, u maksimalna karotkija terminy paśla dziaržaŭnaj rehistracyi vydajucca niepasredna ŭ Ministerstvie justycyi.
U adpaviednaści z nazvanym paradkam takija pracedury ŭžo ažyćcioŭleny adnosna zarehistravanych Ministerstvam justycyi Biełaruskaha respublikanskaha hramadskaha abjadnańnia «Liha tvorčaj moładzi», Respublikanskaha hramadskaha abjadnańnia «Asacyjacyja vypusknikoŭ Instytuta dziaržaŭnaj słužby» i Sacyjalna‑ekałahičnaha hramadskaha abjadnańnia «Centr padtrymki čarnobylskich inicyjatyŭ».
U bližejšy čas anałahičnaja praktyka budzie ŭkaraniona i pry rehistracyi miascovych hramadskich abjadnańniaŭ hałoŭnymi ŭpraŭleńniami justycyi abłvykankamaŭ, Minskaha harvykankama.
