Dobry dzień, pavažanaja «Naša Niva».
Vitaju vas usich imiem Hospada Isusa Chrysta!
Chaču pieradać pasłańnie ludziam, los jakich mianie jak viernika asabliva niepakoić.
Mikałaju Aŭtuchoviču:
Ja razumieju, što hety tvoj učynak – apošniaja miera pratestu suprać biezzakońnia, ale pamiataj, što Boh za ciabie i za takich, jak ty. Jon ciabie padtrymaje, kali na toje Jaho vola, ty zastanieśsia žyvym i zdarovym. Ty, bratka – aŭhaniec, užo pamiłavany Boham, imia tvajo ŭžo zapisana na niabiosach, hałoŭnaje – nia trać viery, takija ludzi, jak ty, patrebny našaj Biełarusi.
Paŭłu Sieviaryncu:
Ty znachodziśsia ŭ takich abstavinach, što tolki Boh adzin dapamoža. Ty žyvieš z Boham, Jon ciabie abaraniaje i abaronić ad usialakaj pošaści.
Daniiła kinuli ŭ jamu z hałodnymi lvami, a Haspodź začyniŭ paščy ichnija, jany chadzili kala jaho i nie začapili (Daniił hł. 6).
Ad mianie i ad siamji Majsiajonkaŭ tabie pryvitańnie, zdaroŭja, viery, vytrymki tabie. Molimsia za vas, za našu Biełaruś, za ŭrad, parlament, za kožnuju dušu, kab Imia Božaje zaśviaciłasia na našaj ziamli.
Moładzi, jakaja trymała haładoŭku:
Viera ŭ vas bolšaja, čym u tych, chto bje siabie ŭ hrudzi i kryčyć, što jon za Ajčynu. Chrystos skazaŭ: «Kali nia budziecie, jak dzieci, nia ŭvojdziecie ŭ Castva Niabiesnaje» (Maćv. 18:1–5). Chaj Boh bieraže vaša zdaroŭje fizyčnaje, viery vam, ščaścia.
Arturu Fińkieviču:
Apostał Chrysta Jan Bahasłoŭ byŭ sasłany na vostraŭ Tatmas, i jamu ad Boha było adkryćcio, dzie pakazana była budučynia dla prapaviednikaŭ. Ty, Artur, nia bojsia, usio heta časova, a napieradzie ŭ nas – viečnaje žyćcio i novaja Biełaruś, cyvilizavanaja, mirnaja kraina z Boham u sercy. Vier, dy pa viery čałavieka dajecca jamu.
Usim ludziam Dobraj Voli, Viery i Svabody:
Try habrejskija junaki byli zahnanyja ŭ raspalenuju pieč i vyjšli adtul niekranutyja. Boh – naš ščyt i zastupnik (Daniił hł.3; Psalmy 26; 27; 22; 30; 32:10–18; 34; 63; 79; 90; 93; 105; 108; 118; 132; 145; 150; Efesianam hł. 6:10–13).
Za nami – Boh, i hetym usio skazana.
Łaska Božaja chaj budzie z vami i z našaj Baćkaŭščynaj. Žyvie Biełaruś!
Brat u Chryście, biełarus Siarhiej, vaš čytač ź Biahomlu
