Bałada Papy Rymskaha Jana Paŭła II
I
...Pačaty šlach, niby pačuty hołas Boha,
Pačuty hołas Boha, jak spaznany śviet,
Dzie jość kaścioł, carkva, miačeć i sinahoha,
Dzie ślozy jość, nibyta rosy na travie,
Dzie śpić spakusa, jak ahoń, dzie my zharajem
I dzie, nibyta kryž adviečny, viera i luboŭ
Niabiosy nad ziamloj, jak Božy Duch, trymaje,
Kab kožny šlach adviedzieny jamu prajšoŭ,
Kab daravać, i paprasić, kab daravali,
I zrazumieć, što hety śviet dla nas — nie dym,
I my jaho, jak Chram, stvarali i stvarajem,
I ŭ hetym Chramie, jak adna cahlinka, Rym...
II
Pražyŭ žyćcio, niby malitvu pračytaŭ,
I adyšoŭ u lepšy śviet, niby zasnuŭ,
Niby rasa, zhubiŭsia ŭ cichim šumie traŭ,
Jakija, jak Chrysta, sustreli znoŭ viasnu
U hetym śviecie, dzie daŭno dabro i zło,
Nibyta kryž na Chramie, u jakim śviatło
Śviatoje, niby Boskaje žyćcio, dzie šlach,
Jakim prajści, kab lepšy śviet spaznać, i tło,
I ślozy, i ahoń, i kroŭ, kab u viakach
Nam śvietła i samotna, jak ciapier, było...
3.04.2005
