Były staršynia Nacbanku aceńvaje situacyju ŭ finansavaj sistemie pa-raniejšamu piesimistyčna.
Kolki ž Biełarusi treba zołatavalutnych rezervaŭ?
Bahdankievič: «…minimum – 10 miljardaŭ. Nasamreč na 1 krasavika ŭ nas naličvałasia 4 miljardy. Ale čystyja rezervy składajuć 2,4 miljarda. Sprava ŭ tym, što ŭ Nacbanku jość rezervy 4 miljardy, a ŭ kamercyjnych bankaŭ – minus 1,6 miljarda. To bok tam kredyty atrymany z‑za miežaŭ krainy, valuta pradadziena Nacbanku. Atrymali rubli kamercyjnyja banki i prakredytavali ekanomiku. A Nacbank zaličyŭ hetyja hrošy ŭ rezerv. U nas 2,6 miljarda deficyt handlovaha balansu za pieršy kvartał, a čystyja rezervy 2,4 miljarda. Kali ŭsio apłacić, to rezervaŭ u nas budzie 0,0».
Pra zamiežnuju zapazyčanaść Biełarusi: «Ja zhodny z Łukašenkam, što Biełaruś nie pierastupiła hetuju miažu [praźmiernaj zapazyčanaści]. Bo dola dziaržaŭnaha kredytu ŭ nas usio jašče nie značnaja. A sukupny kredyt krainy taksama mienš jašče za 30% adnosna vałavoha praduktu. Inšaja sprava, što tempy rostu pazykaŭ vielmi značnyja. Kali my takimi tempami dalej pojdziem, to my chutka dahonim i pierahonim».