Maryna, vypusknica techničnaha univiersitetu:
Kali vizit Łukašenki paspryjaje pryjezdu Papy ŭ Biełaruś, aceńvaju stanoŭča. Ja vielmi chaču, kab Papa naviedaŭ nas. Prezident zrazumieŭ, što siabry pavinny być usiudy. Spadziajusia, paśla hetaha vizita dziaržava budzie bolš padtrymlivać i katalickuju carkvu.
Ksiondz kaścioła Łaski Božaj:
Papa Rymski — naš načalnik. Jaho treba słuchać!.. (uśmichajecca) Napeŭna, prezident pajechaŭ tudy nie na čarku i nie na kubak kavy. Papa adkazvaje za kaścioły, a prezident — za Biełaruś. Jany musiać damovicca pra katalictva ŭ nas. Taki vizit — dobry fakt.
Valer, budaŭnik:
Heta pojdzie na karyść chryścijanskaj viery. Dobry znak taho, što naš kiraŭnik kantaktuje z ahulnapryznanymi lidarami.
Alena, piensijanierka:
Dumaju, Łukašenka i Papa buduć razmaŭlać pra parazumieńnie katalikoŭ i pravasłaŭnych, pra nadzionnyja prablemy. Naprykład, u Biełarusi nie chapaje svaich ksiandzoŭ. Škody ad takoj sustrečy nikomu nie budzie. A ŭvohule, Łukašenka zadavoleny, što jamu adčynili šlach na Zachad. Jon z usimi padtrymlivać znosiny budzie.
Kaciaryna, studentka:
Čakaju, što našym prablemam budzie nadavacca bolš uvahi, čym ciapier. U navinach pakazvajuć adny sustrečy ź mitrapalitam. A z pradstaŭnikami našaj viery? Ksiandza z majoj rodnaj parafii na Voranaŭščynie chočuć vysłać u Polšču. My trymajemsia za jaho, jak možam. Ale chaciełasia b, kab nam dapamahali…
Juraś, inžynier:
Staŭlusia abyjakava da hetaj sustrečy. Mianie nie cikavić zbližeńnie Łukašenki z relihijnymi strukturami. Chaj spačatku ź miascovymi cerkvami stasunki naładzić, a potym užo imkniecca ŭpłyvać na situacyju ŭ Biełarusi zvonku.
Andrej, kantralor‑kasir:
Asabliva nie cikaŭlusia hetymi pytańniami, ale zboku padajecca, što katalickaja carkva dabivajecca pavyšeńnia svajho statusu ŭ Biełarusi. Łukašenka niadaŭna sustrakaŭsia z patryjarcham Kiryłam. Dyk toj, mnie zdajecca, jasna daŭ zrazumieć, kab katalikoŭ nie dapuskali da aficyjnych spravaŭ. Uvohule, vizit ŭ Vatykan — pazityŭny fakt. Dobra ŭžo toje, što prezident budzie słuchać Papu.
Vadzim, spartoviec:
Pajechaŭ, kab paznajomicca z katalictvam.
- A Vy dumajecie, što jon ničoha pra heta nie viedaje?
- Dumaju, nie.
