Piać rabočych-vachtavikoŭ zahinuła ŭ noč na 2 maja padčas pažaru ŭ vioscy Hłuška Puchavickaha rajona Minskaj vobłaści, paviedamili BiełaPAN u Ministerstvie pa nadzvyčajnych situacyjach.
Sihnał ab pažary ŭ dvuchkvaternym draŭlanym domie pastupiŭ u 01.14. Pryčyna pažaru vyśviatlajecca. Mužčyna, jaki zmoh vyratavacca, rastłumačyŭ, što ź viečara rabočyja raśpivali śpirtnyja napoi.
Usiaho za minułyja sutki ŭ Biełarusi adbyłosia 66 pažaraŭ, u vyniku jakich zahinuła dzieviać čałaviek (usie — u Minskaj vobłaści). Traŭmavana dva čałavieki, vyratavany adzin, evakujavana siem. Źniščana 24 budynki, paškodžana 59.
Z pačatku hoda ŭ krainie adbyłosia 3.319 pažaraŭ (na 7,2% bolš u paraŭnańni z anałahičnym pieryjadam minułaha hoda), ź ich 2.747 u žyłym siektary (+6,5%).
U vyniku nadzvyčajnych situacyj zahinuła 433 čałavieki (-9,8%), u tym liku 16 dziaciej (+23,1%), traŭmavana 159 čałaviek (+7,4%), vyratavana 305 (+94,3%).