«Alaksandar Kazulin pavinien być nieadkładna vyzvaleny z-pad varty, hetak ža jak i ŭsie inšyja palitźniavolenyja ŭ Biełarusi. Demakratyčna nastrojenaja hramadzkaść u majoj krainie chacieła b spadziavacca, što sud nad palitykam nie pieratvorycca ŭ palityčny fars», - zajaviŭ siońnia Alaksandar Milinkievič padčas vizytu ŭ Varšavu, dzie ŭdzielničaje ŭ mižnarodnaj kanferencyi «Palityka Eŭrapiejskaha Źviazu ŭ dačynieńni da ŭschodnich susiedziaŭ: jakimi buduć uzajemaadnosiny?».
Razam z tym lider abjadnanych demakratyčnych siłaŭ z škadavańniem kanstatavaŭ, što źniavoleńnie palityčnych apanentaŭ «stałasia normaj» u Biełarusi.
«Ja zaŭždy ščyra kažu lideram eŭrapiejskich dziaržaŭ i ŭpłyvovym palitykam – luby kantakt ź biełaruskim režymam mahčymy tolki pry vykanańni abaviazkovaj pieršaj umovy – usie palityčnyja viaźni ŭ krainie pavinny vyjści na volu. Heta samaje chutkaje i samaje lohkaje, što moža zrabić biełaruski režym, kali jon raźličvaje palepšyć svaje adnosiny z cyvilizavanym śvietam», - pierakanany palityk.
U adkazach na pytańni žurnalistaŭ Alaksandar Milinkievič zakliaŭ taksama mižnarodnyja pravaabarončyja arhanizacyi i srodki masavaj infarmacyi vysłać svaich pradstaŭnikoŭ na sud nad Alaksandram Kazulinym.
Nahadajem, što sudovy praces nad byłym kandydatam u prezydenty Biełarusi Alaksandram Kazulinym pačniecca 6 lipienia ŭ Miensku.
