Lider ruchu «Za Svabodu» Alaksandr Milinkievič nazvaŭ histaryčnym dzień, kali Biełaruś uvajšła ŭ novuju palityku Jeŭrasajuza «Uschodniaje partniorstva». Pra heta jon zajaviŭ 7 maja ŭ Prazie na pres‑kanfierencyi lideraŭ biełaruskaj apazicyi.
«Paśla doŭhich hadoŭ Biełaruś robić pieršy krok u kirunku jeŭraintehracyi i viartańni ŭ siamju jeŭrapiejskich krain», — ličyć palityk.Pry hetym jon zaklikaŭ nie pierabolšvać značeńnie inicyjatyvy, nazvaŭšy jaje «kirunkam» dla raźvićcia adnosinaŭ ź ES.
U svaju čarhu, Alaksandr Kazulin na pres‑kanfierencyi zaznačyŭ, što hladzić na budučyniu adnosinaŭ Biełarusi ź ES «z aptymizmam». Pavodle jaho słoŭ, padčas trochdzionnych pieramoŭ u Prazie, jakija papiaredničali samitu, jon sustreŭ razumieńnie surazmoŭcaŭ.
«Maralnaj pieramohaj» hramadzianskaj supolnaści Kazulin nazvaŭ adsutnaść na samicie biełaruskaha prezidenta Alaksandra Łukašenki.
Jak padkreśliŭ Kazulin, važna, što Jeŭropa zrazumieła biełaruskuju apazicyju. «Premjer‑ministr Čechii Tapałaniek adznačyŭ važnaść udziełu hramadzianskaj supolnaści ŭ dyjałohu Biełarusi ź Jeŭrasajuzam. Mianie vielmi raduje hetaje razumieńnie», — zajaviŭ jon.
