«Mančester Junajted» – 18-razovym Anhlii, «Inter» staŭ 17-razovym čempijonam Italii.
Miłanski «Inter» učora nie hulaŭ. Załatyja miedali prynieśli ich ziemlaki z «Miłana», jakija ŭ subotu prajhrali «Udyniezie» (1:2), i za dva tury da kanca čempijanatu ich adstavańnie ad pieršaha miesca składaje siem bałaŭ.
Heta 17-aje čempijonstva ŭ historyi «Intera», čaćviertaje zapar i pieršaje pad kiraŭnictvam Žaze Maŭryńju.
«Mančester Junajted» u subotu zavajavaŭ 18-aje čempijonstva, zraŭniaŭšysia pa kolkaści tytułaŭ z «Livierpulem». Učora «Maniunajted» zhulaŭ na Ołd Trafard uničyju z «Arsienałam» (0:0), nabraŭ 87 bałaŭ i staŭ niedasiahalny dla «Livierpula» (u jakoha 80 bałaŭ i dźvie hulni ŭ zapasie).
Heta treciaje zapar čempijonstva MIU (2007, 2008, 2009) i adzinaccaty tytuł stryžnia kłuba Rajana Hihza.
A ser Aleks Fierhiusan zaŭvažyŭ žurnalistam: «Kali ja pryjšoŭ u MIU [1986] ja maryŭ pra adzin čempijonski tytuł. Ciapier u mianie ich 11».
***
«Barsiełona» taksama ŭ subotu nie hulała, ale stała 19-razovym čempijonam Ispanii.
Zatoje ŭčora hulaŭ ich hałoŭny vorah – madrydski «Reał», jaki prajhraŭ «Viljareału». I ciapier za dva tury da finišu karaleŭskamu kłubu nie dahnać «Barsu» (78 bałaŭ suprać 86). Katałoncy, darečy, siońnia hulajuć z «Maljorkaj».
Alaksandr Hleb u 35 matčach u čempijanacie Ispanii zhulaŭ 16. Pryčym u piaci vyjšaŭ u startavym składzie, u 11 vyjšaŭ na zamienu, pravioŭšy ahułam na poli 487 chvilin.