U sieradu ranicaj u adnoj z klinik Maskvy ŭ vieku 65 hadoŭ pamior znakamity aktor Aleh Jankoŭski
Apošnija miesiacy Jankoŭski kiepska pačuvaŭsia, miarkujecca, što ŭ jaho było ankałahičnaje zachvorvańnie. Aktor chavaŭ ad hramadskaści pryčyny chvaroby.
***
Aleh Jankoŭski naradziŭsia 23 lutaha 1944 h. u Kazachstanie — jaho baćka Jan (Ivan) Jankoŭski byŭ kadravym vajennym, pachodziŭ z polskaj (ci apalačanaj?) šlachty, byŭ represavany pavodle spravy Tuchačeŭskaha i zhinuŭ u HUŁAHu.
Aleh Jankoŭski niekatory čas žyŭ žyŭ u Miensku — siudy ŭ 1958 h. jaho zabraŭ starejšy brat Raścisłaŭ - aktor Mienskaha ruskaha dramatyčnaha teatra. U Miensku Aleh debiutavaŭ na scenie teatra ŭ epizadyčnaj roli.
Potym Jankoŭski viarnuŭsia ŭ Sarataŭ, dzie ŭ toj čas žyła siamja.
Aleh Jankoŭski debiutavaŭ u filmie «Ščyt i mieč», źniaŭsia ŭ filmach «Słužyli dva tavaryšy», «Ja — Francysk Skaryna», «Lustra» Andreja Tarkoŭskaha,
sapraŭdnuju viadomaść na prastorach SSSR jamu prynieśli filmy «Moj łaskavy i piaščotny źvier», «Zvyčajny cud», «Toj samy Miunchhaŭzen», «Zabić drakona».
Usiaho Jankoŭski źniaŭsia ŭ 74 filmach, byŭ aktoram teatra «Lenkom». Kiraŭnik teatra Mark Zacharaŭ nazvaŭ śmierć Jankoŭskaha zabojčym udaram pa teatry.
