Kryminalnaja sprava ŭ dačynieńni da vajennasłužačaha ŭnutranych vojsk MUS alimpijskaha čempijona Andreja Aramnava nakiravana na razhlad u Barysaŭski mižharnizonny vajskovy sud.
Pra heta BiełaPAN paviedamili ŭ Biełaruskaj vajennaj prakuratury.
Sprava ŭ dačynieńni da Aramnava była raspačata ŭ sakaviku Barysaŭskaj mižharnizonnaj vajennaj prakuraturaj. Ciažkaatlet padazrajecca va ŭčynieńni złačynstva, praduhledžanaha č. 2 art. 317‑1 KK (kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia, pieradača kiravańnia transpartnym srodkam takoj asobie ci admova ad prachodžańnia pravierki (ahladu)).
Spartsmien dvojčy na praciahu troch miesiacaŭ zatrymlivaŭsia supracoŭnikami DAI ŭ Barysavie (Minskaja vobłaść) za kiravańnie aŭtamabilem u niećviarozym stanie:
u śniežni 2008 hoda i lutym 2009 hoda. 13 sakavika pa vynikach pašyranaha pasiadžeńnia prezidyuma Biełaruskaha ciažkaatletyčnaha sajuza Andrej Aramnaŭ byŭ dyskvalifikavany na dva hady ŭmoŭna i pazbaŭleny prezidenckaj stypiendyi.
Častka 2 artykuła 317‑1 KK praduhledžvaje pakarańnie ŭ vyhladzie štrafu, papraŭčych rabot da dvuch hadoŭ ci aryštu da šaści miesiacaŭ.
