U pieršym kvartale hetaha hodu abjom impartu śmietankovaha masła va Ŭkrainie vyras u 103 razy (da 6.9 tys. t) ŭ paraŭnańni z anałahičnym pieryjadam minułaha hodu, paviedamlaje «Kommiersant».
Biełaruś, jakaja pastaŭlaje kala 96% usiaho impartu, zrabiłasia biassprečnym lideram siarod eksparcioraŭ. Heta ŭžo pryviało da taho, što ŭkrainskija pierapracoŭščyki małaka skaracili zakupki syraviny ŭnutry krainy, a vytvorcy vymušanyja byli skaracić pahałoŭje małočnaha statka. Kali situacyja zachavajecca ŭ siońniašnim vyhladzie, to Ŭkraina budzie vymušanaja značna pašyryć asartymient pastavak małočnaj pradukcyi ź Biełarusi.
Ukraina pačała aktyŭna impartavać biełaruskaje masła naprykancy minułaha hodu, kali rezka skaracilisia suśvietnyja ceny na suchoje małako, a zakupačnaja cana na syravinu zastavalisia vysokimi. Uźnik deficyt na ŭnutranym rynku i ŭkrainskaje masła padskočyła ŭ canie amal udvaja – da $4-5 tys./t. Masła, jakoje impartavałasia ź Biełarusi, kaštavała $2,7-3 tys./t.
Varta adznačyć, što va Ŭkrainu biełaruskaje masła traplaje niefasavanym. Na miescy jano pakujecca i pradajecca pad ukrainskimi handlovymi markami.
