Radyjo «Svaboda» padviało vyniki konkursu na najlepšy pierakład pieśni Alaksandra Rybaka, ź jakoj jon pieramoh na «Jeŭrabačańni». Pavodle rašeńnia žury, najlepšy tvor udaŭsia aŭtaru, jaki chavajecca pad psieŭdanimam Kastuś Znaračan. Jamu toje ŭdałosia lepiej za maścitych supiernikaŭ, u tym liku Sieržuka Sokałava-Vojuša.
Kazka
Mnie dziaŭčynku‑abłačynku
Los ź niabios, vidać, pasłaŭ.
Patanali my ŭ abdymkach,
Ja joj vusny całavaŭ.
Ja kachaŭ, śviaty i hrešny,
Jak ja ŭmieŭ adzin.
Sa ślazoj ciapier uśmieška,
Z žalem uspamin.
Dzień svaryŭ — miryła nočka,
Što było, daŭno prajšło.
Z abłačynkaj‑siniavočkaj
Majo ščaściejka spłyło.
I niama dušy spačynku,
Pamiać rady nie daje:
Pra dziaŭčynku‑abłačynku
Mary marnyja maje.
Ja kachaŭ, śviaty i hrešny,
Jak ja ŭmieŭ adzin.
Sa ślazoj ciapier uśmieška,
Z žalem uspamin.
0
0
0
0
0
0
