Rasiejskaja kontravyviedka zatrymała złačynnuju hrupu, u tym liku biełarusaŭ, za kantrabandu zbroi.
Jak paviedamlaje na svaim sajcie federalnaja mytnaja słužba Rasiei, u vyniku aperacyj supracoŭnikaŭ mytnaha ŭpraŭleńnia i vajskovaj kontravyviedki Leninhradzkaj akruhi na rasiejska-biełaruskaj i rasiejska-ŭkrainskaj miažy byŭ praduchileny vyvaz 20 ton sakretnaj zbroi.
Šmat jakija kamplektujučyja, bloki i ahrehaty (usiaho 65 najmieńniaŭ, 40 ź jakich majuć hryf “sakretna”) pryznačalisia dla zenitna-rakietnych kompleksaŭ S-75, S-125, S-200, S-300. Zatrymanyja bolš za dziesiać udzielnikaŭ mižnarodnaj złačynnaj hrupoŭki, u jakuju ŭvachodzili byłyja i ciapierašnija vajskoŭcy 6-j armii vajenna-pavietranych siłaŭ i supraćpavietranaj abarony Rasiei, a taksama hramadzianie Biełarusi i Ŭkrainy.
Pavodle dadzienych rasiejskaj kontravyviedki, zatrymanyja atrymlivali vajennaje abstalavańnie praź niekalki roznych kanałaŭ. Kantrabanda nakiroŭvałasia ŭ Biełaruś, Ukrainu, Baŭharyju i Kazachstan.