Śpiecsłužba zatrymała kiraŭnikoŭ dźviuch rybahandlovych kampanij.
Maskoŭskaja firma «Akijan», jakuju ŭznačalvaŭ hramadzianin Biełarusi, pavodle damovy pastaviła na adras babrujskaha AAT «Rybny rad» partyju rybnych kansiervaŭ «Piečań traski» roznych dataŭ vyrabu. Kansiervy byli nie adpaviednyja standartam i nie prydatnyja dla realizacyi. Adnak kiraŭniki dvuch handlovych pradpryjemstvaŭ z dapamohaj nieviadomych asobaŭ padrabili dakumienty dziaržaŭnaj hihijeničnaj rehistracyi i siertyfikacyi. Tak i stali pradavać.
Heta vyjaviŭ śledčy adździeł Mahiloŭskaha UKDB. Suprać vykanaŭcy abaviazkaŭ kamiercyjnaha dyrektara AAT «Rybny rad» i dyrektara maskoŭskaha AAT «Akijan» śledčym adździełam UKDB raspačatyja kryminalnyja spravy pa č.2 art.426 (złoŭžyvańnie ŭładaj ci słužbovymi paŭnamoctvami) i art.235 (Lehalizacyja materyjalnych kaštoŭnaściaŭ, prydbanych złačynnym sposabam) Kryminalnaha kodeksu.
Maksimalnaje pakarańnie, pieraduhledžanaje za takija dziejańni, – pazbaŭleńnie svabody na termin da 7 hadoŭ z kanfiskacyjaj majomaści.
