Jak zarabić na dobruju piensiju? Biełarusy mohuć spadziavacca nie tolki na tuju piensiju, što daje dziaržava. Kožny moža adkładvać hrošy na staraść – praz prahramy piensijnaha strachavańnia jak u Biełarusi, tak i za miažoj.
U Biełarusi piensija pa uzroście nie moža zapiaśpiečyć čałavieku naležny ŭzrovień žyćcia, a čaściakom navat zadavolić samyja nieabchodnyja patreby. Siaredniaja biełaruskaja piensija nie daje mahčymaści vandravać, zajmacca svaim chobi, albo lačycca ŭ płatnych klinikach. Tamu bolšaść našych piensijanieraŭ na zasłužanym adpačynku praciahvaje pracavać.
U prahramie «Asabisty kapitał», jakaja vychodzić na telekanale Biełsat, svaim sakretam vyžyvańnia dzielicca minčanka Taćciana Strałkova. Pa piensii jana pracavała ŭ administracyi Instytuta kiravańnia. Ale za dva hady pierad «zasłužanym adpačynkam» skončyła kursy cyrulnikau. I ciapier nie zaležyć ad ścipłaj dziaržaŭnaj dapamohi.
«Kali pasprabavała – było vielmi składana. Ale tym nie mieńš, ja pastarałasia davieści spravu da kanca», - havoryć spadarynia Taćciana.
Ciapier u jaje - ŭłasnaja cyrulnia, stałyja klijenty, i navat adna maładaja padnačalenaja. Ale časam spadarynia Taćciana viartajecca na byłoje miesca pracy, adkul jaje uračysta vypraŭlali na piensiju.
Pahladzieć vypusk prahramy «Asabisty kapitał» možna tut: