Štotydniovy analityčny časopis padrychtavaŭ šerah materyjałaŭ na temu «małočnaj vajny», u tym liku pieradrukavaŭ artykuł «Sovietskaja Biełoruśsija» «Strašnaja» miesť» i supravadziŭ jaho redakcyjnym kamientarom.
Apošni numar štotydniovaha analityčnaha časopisu «Kommiersant'-Vłasť» vyjšaŭ z fotazdymkam A. Łukašenki na vokładcy. U numary źmieščana niekalki artykułaŭ na temu «małočnaj vajny». Artykuł «Dvanaccacihadovaja vajna» nahadvaje pra składanaści va ŭzajemaadnosinach pamiž krainami i padaje ich u vyhladzie sieryi z šaści futbolnych matčaŭ. Aŭtar tekstu «A u vas banany atručanyja» padzialiŭsia ŭražańniami pra pajezdku da svajakoŭ u Biełaruś u razhar «bajavych dziejańniaŭ». I hałoŭny, badaj, materyjał na temu małaka — «Strašnaja» pomsta». U hazietach chłusić nie buduć. Časopis pieradrukavaŭ z kupiurami artykuł «Sovietskoj Biełoruśsii» «Strašnaja» miesť» i supravadziŭ jaho redakcyjnym kamientarom.
U kamientary havorycca, što pad psieŭdanimam Pavieł Staradub (aŭtar «Strašnaj» pomsty») chavajecca hałoŭny redaktar «Sovietskoj Biełoruśsii» Pavieł Jakubovič.
«Pavieł Jakubovič, jaki biarecca za piaro tolki ŭ vyklučna važnych vypadkach, taksama padpisvaje svaje złabadzionnyja artykuły psieŭdanimami Sihizmund Pušysty i Ksienafont Supierfasfataŭ.
Pad apošnim imiem 6 sakavika hetaha hodu ŭ «Sovietskoj Biełoruśsii» vyjšaŭ artykuł «Šmat u nas dzikovinaŭ, kožny dzivak — Bietchovien» — piša vydańnie i nahadvaje, što paśla taho artykuła pajšła z žyćcia adna ź fihurantak taho fieljetonu — salihorskaja pravaabaronca Jania Palakova.
